बट्टार, नुवाकोटको विदुर नगरपालिका वडा नं.–२ बट्टारमा कर्पोरेट कार्यालय रहेको मेरो माईक्रो फाईनान्स लघुबित्त बित्तीय संस्थाले कोरोना भाईरस संक्रमण, रोकथाम, नियन्त्रण तथा उपचार कोषमा रकम सहयोग गरेको छ ।
मेरो माईक्रो फाईनान्सले संस्थागत सामाजिक उत्तरदायित्व कोषबाट २५ लाख ६० हजार ७ सय १९ रूपैयाँको चेक राष्ट्रिय वाणिज्य बैंकमा रहेको उपचार कोषको खातामा गत बिहीबार जम्मा गरेको हो । संस्थाले संस्थागत सामाजिक उत्तरदायित्वसँगै कार्यरत कर्मचारीको ३ दिन बराबरको पारिश्रमिक समावेंश गरिएको कार्यकारी अधिकृत रामहरी दाहालले जानकारी दिनुभयो । कोरोना भाईरस संक्रमण, रोकथाम तथा नियन्त्रणका लागि सबै नागरिक तथा नेपाल सरकारसँग एकजुट भएर काम गर्न प्रतिबद्ध रहेको उनले बताए । असार लागेपछि लकडाउन खुकुलो पारिँदा ब्यापार ब्यवसाय पुनः सूचारु भए पनि अर्थतन्त्र ओरालो लागेको अवस्था भन्दै सीईओ दाहालले यस किसिमको सहयोग निरन्तर जारी राख्ने बताए । मेरो माईक्रोले ५९ जिल्लामा १ सय २० शाखामार्फत लघुबित्तीय सेवा दिईरहेको छ ।
