महादेव, चण्डेश्वरी र कालिका हिमालय माविलाई स्कुल बस

विदुर, वागमती प्रदेशको सामाजिक विकास मन्त्रालयले विद्यालय बस सेवा कार्यक्रमको लागि नुवाकोटको दुई वटा सामुदायिक विद्यालय सहित १३ जिल्लाको २५ वटा विद्यालयलाई बस उपलब्ध गराउने भएको छ ।

मन्त्रालयको चालु आर्थिक वर्षको स्वीकृत कार्यक्रम अन्तर्गत विद्यालय बस सेवा अनुदानको कार्यक्रमको लागि “विद्यालय बस सेवा कार्यक्रम सञ्चालन कार्यविधी” अनुसार वागमती प्रदेशभित्रका १३ जिल्लाका २५ विद्यालय छनौटमा राखिएको छ ।

मन्त्रालयको अनुसार नुवाकोटको लागि बेलकोटगढी नगरपालिका वडा नम्बर–७ महादेवफाँटमा रहेको महादेव माध्यामिक विद्यालय र विदुर नगरपालिका वडा नम्बर–७ तुप्चेमा रहेको चण्डेश्वरी माध्यामिक विद्यालय छनौटमा परेको छ ।

रसुवाको लागि कालिका हिमालय माध्यामिक विद्यालय बस सञ्चालनको लागि छनोटमा परेको मन्त्रालयका सचिव गोकर्णमणी दुवालले जानकारी दिनुभएको छ ।