लामटार, नुवाकोट जिल्ला विदुर नगरपालिका वडा नं.–९ लामाटार बस्ने सुरेश रोक्काको श्रीमती मानसिक अवस्था ठिक नभएको बर्ष २२ की सुमित्रा मिजार त्रिशुली जलबिद्युत केन्द्रको नहरमा डुबेर मृत्यु भएको प्रहरीले आशंका गरेको छ ।
असार २५ गते दिउँसो अन्दाजी ३ बजेतिर घरबाट निस्की हिंडेको र निजलाई फेला पार्न सक्ने संम्भावित स्थान र आफन्तकोमा खोजतलास गर्दा निज फेला नपरेपछि प्रहरीलाई खवर गरिएको थियो । परिवारको निवेदनअनुसार प्रहरीलले खोजतलास गर्दा घरमा प्रयोग हुँदै आएको रेनकोट र ज्याकेट वि.न.पा.–९ त्रिशूली जलविद्युत केन्द्र, कोलनी नुवाकोटको नहर छेउमा फेला परेकोले असार २६ गते त्रिशूली जलबिद्युत केन्द्रको नहरमा निज महिला मृत अवस्थामा फेला परेको थियो । मृतकको लाश जाँच मुचुल्का गरी त्रिशूली अस्पताल शव परिक्षण गरी निजको आफन्तलाई लाशको जिम्मा लगाईएको प्रहरीले जानकारी दिएको छ ।
