धुन्चे । रसुवा जिल्ला, नौकुण्ड-२, यार्सास्थित नवजीवन आधारभूत विद्यालयमा अध्ययनरत ९६ जना विद्यार्थीलाई गत हप्ता एक गैरसरकारी संस्थाले न्यानो कपडा वितरण गरेको छ ।

एलिभेसन भाइटल नेपाल संस्थाले गत बिहीबार जाडोबाट सुरक्षित रहने उद्देश्यले ज्याकेट वितरण गरेको हो भने विद्यालयपरिसर स्वच्छ राख्नका लागि १० थान डस्टबिन तथा खेलकुद गतिविधिका लागि आवश्यक खेलकुद सामग्री उपलब्ध गराएको प्रधानाध्यापक साम्देन लामाले बताउनुुभयो । भौगोलिक दूरीले टाढा र हिमाली भेगमा रहेको उक्त विद्यालयमा अध्ययनरत विद्यार्थीलाई ज्याकेट सहयोगले विद्यार्थीको मनोबल उच्च भई पठनपाठनको वातावरण अझै सहज भई सुरक्षित महसुस गरिएको बताइएको छ ।