परिवर्तनको नारा घन्काएर तीन दशकदेखि सत्ताको स्वाद लिइरहेको घामपाटीले गत फागुनको निर्वाचनमा अस्तित्व जोगाउन धौधौ परेपछि अहिले पुनर्गठन पो गर्ने रे गाँठे ! सत्तामा रहँदा एउटा र बाहिर रहँदा अर्को कुरो गर्दै राष्ट्रियताको नारा उचालेर हिजोसम्म कार्जेकर्ता र जनतालाई दिग्भ्रमित पारे-पारे, अब त कामरेटहरूलाई जेन्जी कि फेन्जीले गर्दा गाह्रो पो पर्ने भो, च्वःच्वः ! केन्द्र, प्रदेश हुँदै जिल्लातिर पुनर्गठनको बहस हुन थालेसि अदक्ष कँडले सचिवलाई पो फ्याट्ट कावा दिएसि बचेखुचेका नेता/कार्यकर्ता निष्क्रिय पो हुन थाले गाँठे ! गत निर्वाचनमा सङ्घ, प्रदेश र पालिका जित्न नसकेनि झन्डै दुई दर्जन वडा त जितेको गफ चुटेर मेरा बाजेले घिउ खाका थिए, मेरो हात सुँघ-सुँघ भन्दै छन् बिचरा । सचिवलाई कावा अध्यक्ष दिएपछि कामरेटले पाटी नै छाड्ने चर्चाले सङ्गठित सदस्यता नवीकरण गर्नेको सङ्ख्या न्यून भएसि पाटीले भाङ्ग्रेसकै पथ समात्न लाग्या कि क्या हो ढुङ्गा कामरेट ?