विदुर, कोरोना भाईरस (कोभिड–१९)को संक्रमण बढ्दै गएपछि वाग्मती प्रदेश अन्र्तगत नुवाकोटसहित ११ वटा जिल्लामा प्रदेश सरकारले कोरोना संक्रमितको उपचारको लागि आईसोलेसन शैया थप गर्न लागेको छ ।

प्रदेशको कोभिड–१९ संकट ब्यवस्थापन समितिले आईसोलेसन शैया थप गर्न लागेको हो । समितिका अध्यक्ष एवं मुख्यमन्त्री डोरमणी पौडेलको अध्यक्षतामा शनिबार बसेको बैठकले २ हजार ४ सय ५० नयाँ शैया थप गर्ने निर्णय गरेको थियो । अहिले प्रदेशमा १ हजार २ सय १८ वटा आईसोलेसन शैया तयारी अवस्थामा रहेको छ । समितिका अनुसार उपत्यकाका ३ जिल्लामा एक हजार, चितवन, मकवानपुर, धादिङ, नुवाकोट, काभ्रेपाल्चोकमा एक सय र दोलखा, रामेछाप र रसुवामा ५०÷५० शैया आईसोलेसन कक्ष निर्माण गर्ने भएको छ । वैदेशिक रोजगारमा गएर स्वदेश फर्कने नेपालीलाई त्रिभुवन विमानस्थलदेखि जिल्ला सदरमुकामसम्म पुग्ने यातायातको ब्यवस्था खर्च वैदेशिक रोजगार बोडैले ब्यहोर्नुको लागि केन्द्रीय कोरोना संकट ब्यवस्थापन केन्द्रलाई अनुरोध गर्ने र सदरमुकामदेखि स्थानीयतहसम्मको यातायात खर्च स्थानीयतहले ब्यवस्था गर्ने निर्णय समितिले गराएको छ ।

कोभिड–१९ को संक्रमण बढ्दै गएपछि वाग्मती प्रदेशमा आईसोलेसन शैया थप गर्ने निर्णय गरेका छौं, मुख्यमन्त्री पौडेलले भने, विदेशबाट आउने वाग्मती प्रदेशका नागरिकलाई सुरक्षित रूपमा काठमाडौंमा रहेको होल्डिङ सेन्टरदेखि जिल्ला सदरमुकामसम्म पु¥याउन आर्थिक ब्यवस्थापनमा समन्वय पनि गर्नेछौं । कोभिड–१९ का संक्रमितको उपचार र संक्रमण रोकथामका लागि आवश्यक पर्ने स्वास्थ्य सामाग्रीमध्ये केन्द्रबाट प्राप्त हुने सामाग्री बाहेक प्रदेशलाई आवश्यक पर्ने सामाग्रीको ब्यवस्थापन, प्रदेशस्तरमा पीसीआर परीक्षण र प्रयोगशालाको क्षमता बढाउन सामाजिक विकास मन्त्रालयलाई ब्यवस्था मिलाउन समितिले निर्देशन दिएको छ । कोरोना रोकथाम तथा नियन्त्रणका लागि भौतिक र जग्गा ब्यवस्थापनको कार्य जिल्ला कोभिड संकट ब्यवस्थापन समितिले स्थानीयतहसँग समन्वय गर्ने, नयाँ भवन निर्माण गर्नुपर्ने भएमा लागत अनुमानलगायतका काम भौतिक पूर्वाधार विकास मन्त्रालयले ब्यवस्था गर्ने भएको छ ।