बट्टार, नुवाकोटको सुरक्षार्थ तैनाथ जबरजंग गणमा कार्यरत सवारीचालक रामकुमार कार्कीको गत मङ्सिर २३ गते करेन्ट लागेर मृत्यु भएको छ ।

रामेछाप जिल्ला, गोठगाउँ गाविस–६ घर भई जबरजंग गणमा कार्यरत सवारीचालक कार्कीको करेन्ट लागेर घाइते भई उपचारको क्रममा मृत्यु भएको थियो । नुवाकोट जिल्ला, विदुर नगरपालिका–२ बँदेलडाँडा सामूहिक तालिम इलाकामा देवीघाट ब्यारेकबाट आवश्यक बन्दोबस्तीका सामान लैजान गणमा रहेको ग.१झ २४४२ नम्बरको ७.५ टन सामान ट्रकमा लोड गर्ने क्रममा निजले लोड गरिरहेको हरियो बाँसले नजिकै रहेको बिजुलीको ३३ के.भि.ए. हाइटेन्सन लाइनको नाङ्गो तारमा अचानक छुन गई करेन्ट लागेको गणले जानकारी दिएको छ ।