लुम्बिनी बैंकबाट विद्यालयलाई कुर्सी हस्तान्तरण

बट्टार, लुम्बिनी विकास बैंक लिमिटेड बट्टार बजार शाखाले बैंकको संस्थागत सामाजिक उत्तरदायित्वअन्तर्गत नुवाकोट जिल्ला विदुर नगरपालिका–७ मा रहेको बच्छलादेवी माध्यमिक विद्यालयलाई मंगलबार ५० थान कुर्सी हस्तान्तरण गरको छ ।

सो सामग्री बैंकको तर्फबाट बट्टार शाखाका शाखा प्रमुख विश्वम्भरमानसिंह डङ्गोलले विद्यालयका प्रधानाध्यापक रामचन्द्र अधिकारीलाई हस्तान्तरण गरे । बच्छलादेवी माध्यमिक विद्यालयका प्रधानाध्यापक अधिकारीले लुम्बिनी विकास बैंकलाई सहयोगका लागि धन्यवाद व्यक्त गरे । उक्त हस्तान्तरण समारोहमा ढिकुरे शाखाका शाखा प्रमुख सूर्यकुमार पण्डितलगायत विदुर नगरपालिका–७ का वडासदस्य, विद्यालयका शिक्षक, शिक्षिका, विद्यार्थीको समेत उपस्थिति रहेको थियो । लुम्बिनी विकास बैंक लिमिटेडको हाल देशका सातवटै प्रदेशमा गरी ८९ वटा शाखा तथा एकवटा एक्सटेन्सन काउन्टर सञ्चालनमा रहेका छन् । यस लुम्बिनी विकास बैंक लिमिटेडले ‘निरन्तर सहयात्रा’ भन्ने नाराका साथ आफ्ना ग्राहकलाई उच्चस्तरीय, आधुनिक एवम् नवीनतम प्रविधिसहितको सुरक्षित बैंकिङ सेवा प्रदान गर्दै आइरहेको छ । ग्राहकलाई अधिकतम प्रतिफल दिने उद्देश्यले बैंकले मुद्दती खातामा मासिक रूपमा ब्याज प्रदान गर्ने विशेष योजनासमेत कार्यान्वयनमा ल्याएको छ ।