धुन्चे, रसुवा जिल्ला, गोसाइँकुण्ड–२ टिमुरेबाट रसुवागढी नाका हुँदै मंगलबार चीनतर्फ जाँदै गरेका २२ वर्षीय नुर्पु तामाङलाई प्रहरीले जाँच गर्ने क्रममा पक्राउ गरेको छ । अभियुक्तलाई प्रहरीले अमेरिकी डलरसहित नियन्त्रणमा लिएको हो ।

जिल्ला प्रहरी कार्यालय रसुवाका अनुसार आमाछोदिङ्मो–५ पाजुङका उनका साथबाट इलाका प्रहरी कार्यालय टिमुरे प्रहरीचौकी रसुवागढी, सशस्त्र प्रहरी बल नेपाल टिमुरे र रसुवा भन्सार कार्यालयको संयुक्त टोलीले जाँच गर्दा अमेरिकी डलर दुई सय थान भेटेको थियो । तामाङले कम्मरको भागमा सेतो रङको पेटीभित्र (फल्स बटम बनाई) लुकाइ/छिपाइ ल्याएको अमेरिकी डलर नेपाली २० हजार रहेको र उनलाई उक्त रकमसहित नियन्त्रणमा लिई थप अनुसन्धानका लागि राजस्व अनुसन्धान विभाग हरिहर भवन ललितपुर पठाइएको प्रहरीले जनाएको छ ।