आज रातभर देविघाटमा भजन सन्ध्या

विदुर । श्रीकृष्ण प्रणामी युवा परिषद् नेपाल जिल्ला शाखा नुवाकोटले आज शुक्रबार विदुर नगरपालिका वडा नं ५ देविघाटमा रहेको निलकण्ठधाममा रात्रीकालिन भजन सन्ध्या गर्ने जानकारी दिएको छ ।

शुक्रबार त्रियोदशी तिथी रहेकोले बेलुका ७ बजेदेखि बिहान ३ बजेसम्म भजन आयोजना गर्ने परिषद्का अध्यक्ष हरिकृष्ण तिमिल्सनाले जानकारी दिनुभयो । देविघाट निलकण्ठधाममा शुक्रबार राती पृतको नाममा रातभर जागराम बसेर बत्ति बाल्ने र बिहानीपख सजबिज छर्ने गरिन्छ । रातभर जाग्राम बस्नेको लागि रात बिताउन सहज होस् भन्ने उद्देश्यले सङ्गितमय भगवान कृष्णको अनेक रूप र लिला सम्बन्धी भजन प्रस्तुतको लागि सम्पूर्ण तयारी भईसकेको उपाध्यक्ष भुवन तिमिल्सनाले जानकारी दिनुभयो । भजन सन्ध्यामा सहभागी भई पुण्यलाभ लिन समेत परिषद्ले आग्रह गरेको छ