गाँडतन्त्र देशले थेग्न नसक्ने बहस चलिरहेका बखताँ सङ्घीयताको खाँबो भनिएका स्थानीय तहले आर्थिक पारदर्शितालाई ख्याल नगर्दा बेवस्था उल्टाउने समूहलाई मलजल पुगेको छर्लङ्गै छ भन्या’ । यसै मेसोमा न्वाँकोटका स्थानीय सरकारका बेरुजु र आर्थिक बेथितिको भो नकुरा गरौँ । म्यागङको खाजा र भातको बिलको बेरुजु अझै नसकिँदा चिफ मिनिस्टरलाई निद्रा नलागेको तिनआँखेले देखिहाल्यो । आजभोलि पालिकातिर अनुगमन र भुक्तानीको सिजन चल्या’ बेलाँ बिचरा जनप्रतिनिधिलाई भ्याइनभ्याइ भइरहेको त्रिनेत्रले था’ नपाउने कुरै भएन । अनुगमनकै लागि अनुगमन गर्ने प्रवृत्तिले योजनाको दिगोपन र गुणस्तरीयता के-कति भो’ तिनै विश्वसर्वज्ञ जानून् । कर्मचारी जसो-जसो भन्छन्, कार्जेकर्ताको मुख हेरेर उसै-उसै स्वाहा भन्नुबाहेक ती बबुराले के गरून् त ! अनुगमन के-कसो भो, उनैले जानून्, गाँठी कुरा सत्ताको मूल तत्व भात-भत्ता सुनिश्चित गरिदिएसि’ प्राविधिकलाई हाइसन्चो, क्या बात छ !