हेटौँडा । नेपाल पत्रकार महासङ्घ बागमती प्रदेश समितिले साना तथा स्वरोजगारमुखी सञ्चारमाध्यमको हित र प्रवद्धनका लागि पूर्ण समानुपातिक विज्ञापन नीति कार्यान्वयन गर्न सरकारसँग माग गरेको छ ।

महासङ्घ प्रदेशका अध्यक्ष कृष्ण सारू मगरको अध्यक्षतामा दोलखाको जिरीमा सम्पन्न प्रदेश समिति, जिल्ला अध्यक्ष तथा प्रदेशस्तरीय पत्रकार सङ्गठनका प्रतिनिधिको बैठकपछि जारी गरिएको ‘जिरी घोषणापत्र’मा सरकारी विज्ञापन प्रकाशन-प्रसारणमा देखिएको अनियमितता र भ्रष्टाचार नियन्त्रणका लागि सरकारले थालेका प्रयासको स्वागतसमेत गरिएको छ । महासङ्घले सरकारी विज्ञापन प्रकाशन-प्रसारणमा देखिएको विकृतिको निष्पक्ष छानबिन गर्न पनि माग गरेको छ ।